Agartala | March 24: Ekta dangor political khobor te Tripura te ahiya Lok Sabha Elections aagete, Royal scion Pradyot Bikram Manikya Debbarma(Tripura laga raja) pora loikena Tripura Pradesh Congress Committee (TPCC) toh Indigenous Nationalist Party of Twipra (INPT) logote alliance bonaise, INPT toh te sobse purana tribal regional party ase.
Etu mohoina pohoila khobor korise ki, INPT leader aro purana bithor manu politician howa, Bijoy Kumar Hrangkhawl pora koise ki tai khan Congress logote konoba samoy karne alliance nimite kotha kori thakise hoilebi etu Congress party logote konoba kotha miliya nai, etu nimite tai khan nijor aalag khara koribo.
TPCC President Pradyot Manikya pora tai laga social media te koise ki INPT logote alliance bona toh besi khusi paise. AICC aro INPT laga majote ekta MOU sign korise etu pora Congress wada kori ase ki CAB toh hatai dibo, Forest Bill wapas anibo, ADC areas khan te Direct Fund koribo, Kok Borok toh Roman script dibo aro TNV/ATTF accord bhal pora julaibo. BK Hrangkhawl aro Jagadish Debbarma tweijun bi etiya toh moi khan ke support koribole fesla korise.
Add Comment