AGARTALA | March 9: Tripura Chief Minister Biplab Kumar Deb pora Friday te kosie ki drug khowa toh northeastern state te maiki khan logote khilaf biya harkat koriya laga sobse dangor karan ase.
Hoilebi Deb pora koise ki Tripura te BJP-IPFT government power te ahiya bicchete etu nisina biya hatsa gomti hoise aro etu nisina biya hatsa rukhibo nimite police pora bi besi kam korise.
Rabindra Shatabarshiki Bhawan te Friday te International Womens’ Day laga inaugural event te kotha koriya samoy te, Deb pora koise ki maiki khan logote besi biya hatsa howa laga karan toh drugs ase koikena jini paise.
“Government pora jowa saal March te Office julaikena shuru koriya samoy te maiki khan logote khilaf biya hatsa howa laga case besi thakise aro moi khna pora paise ki etu nisina biya harkat toh besi bhag dawai pora nisa hoikena korise. Moi khan pora illegal drugs logote khilaf jaach korise. Maiki khan pora bi mon khusi pora moi khan ke modot dise,” tai pora koise.
Deb pora bi purana Left Front government khan ke dawai jula manu khan logote khilaf action nalowa nimite bodnam korise.
“Maiki khan logote hinsa toh pohoila besi thakise. Hoilebi notun government bona bicchete, 7 per cent pora namise. Maiki khan logote hinsa logpowa khotom hoile hi moi khan toh mon shanti hobo,” tai pora koise.
2014 te power te ahiya bicchete tai pora koise ki, Centre te BJP-led National Democratic Alliance government pora maiki khan ke othaibo nimite kam koriya shuru korise. Deb pora bi etu kanun toh tai laga state te lagaise.
2 lakhs pora besi manu khan ke jui laga gas connections dise aro maiki khan nimite Tripura te besi laab dibo social security pension bi othai dise, etu chief minister pora koise.
Add Comment