TRIPURA | Aug 13, 2019 (AIR): Tripura laga banned outfit NLFT (Sabir Deb barma faction) laga 88 militants khan Ambassa Dhakai district te surrender kurishe.Etu militants khan toh Chief Minister Biplab Kumar Deb aro tai laga deputy Jishnu Debbarma laga saamne te kurishe.
Sunday din olop akhe te tripartite Memorandum of Understanding (MoU) toh NLFT (SD), Tripura Government aro Central Government khan sign kurishe .Memorandum hisaab te NLFT (SD) khan manishe violence laga path charikena mainstream te saamil kuribo aro Constitution of India hisaab te jabo koikena janaishe.
Chief Minister para tai khan ke welcome kurikena tai khan ke ki koishe etu sob kuridibo koishe .Tai aro koishe Tripura government khan sob kuri ase etu tribal manu khan laga bhal nimete .
Etu surrender huwa militants khan ke Surrender-cum-Rehabilitation Scheme, 2018 Ministry of Home Affairs laga surrender huwa laaph khan dibo koishe .
Tripura laga state government khan para etu surrendered cadres khan ke housing, recruitment, education etc nimete modot dibo koishe. Government of India khan Tripura State Government laga proposal etu te Tripura laga tribal areas laga economic development nimete sabo koishe.
Add Comment