Agencies, 21 November: Saturday te, Tripura te police para agitating mob te bondukh mara para ekta manu morishe aro tusara five jun jokhom paise new agency IANS khobor hisaab te. Northern Tripura te protesters para shutdown mana aro protest kori thaka toh six din hoise. Tai khan protest kora toh government laga fesla thousands tribal refuges ke wabas anibole opor te kelaaf korikena ase. Etu refugees toh poila 23 sal agae state te racial/ethnic dekthari nemide Mizoram te polaija ase.
Mora manu toh 45 sal Srikanta Das ase. Police para tusara five jun be serious jokhom paise koise. Police koise, sepai khan para dekthari deya mob ke bondukh maribole ola toh Panisaga, North Tripura district te security forces ke hamla kora nemide ase.
Sixth din nemide Tripura’s Kanchanpur sub-division te situation toh thek thaka nai. Joint Movement Committee para Tripura aro Central governments laga fesla 35,000 nesana Reang tribal refugees ke rehabilitate opor te protest kori thakibo nemide bondh koribole kowa thakise.
Thursday para protest toh osor sub-divisions aro districts te othaideya thakise. Kelay koile situation namabo nemide administrations para step nalowa aro protesters logode eku kotha nakora nemide.
Police hisaab te, mixed thaka sub-division te situation beya howa toh Tuesday rati olob tribal refugees para non-tribal pump operator, non-tribals laga 36 houses te hamla howa aro 110 opor manu jevaan bachabo nemide polabole ola bechide ase.
Kanchanpur Sub-Divisional Police Officer Bikramjit Sukladas para government offices, markets, shops aro business establishments toh bondh kori kena ase aro etu samai security forces, health services aro media ke charikena sob types laga gari bondh korise rasta te.
Add Comment