Agartala, December 11, 2025: Yete ekta bia khobor te. Ekta chokora toh bike para ghor wapas ja homoi te. Tata gari ekta pichete para ahi kina chupai dishe koishe. Tai toh jaga jagate muri jaishe koishe.
Police khan laga khobor hisab te. Etu manu toh Shyamal Patari (32) ase koishe. Tai toh Belonia Division laga Parpathuri Block, Lacmipur Panchayat, Garjania Bosti te thakhea manu ase koishe. Tai toh Barpathuri School te jaishe koishe. Tai laga maiki aru Bacha ke drop kuribole nimete. Tai laga chutu bacha toh Barpathuri School laga Primary Section te thakhishe koishe.
Aru Phuzur 7:30 homoi te. Shyamal Patari toh Maiki aru Bacha ke drop kuri kina. Ghor wapas ahea homoi te. Tai laga Bike ke. Tata gari Speed para ahi kina taike piche para mari kina Chupai dishe koishe. Rasta te khun he borta thakhishe koishe. Yete Local manu khan para taike Barpathuri Primary Health Centre te loi jaishe koishe. Hoilebi Doctors khan para murishe koi kina janai dishe.
Add Comment