February 12, 2026: Tropical Cyclone Gezani para beshe ghor bhangai de she Madagascar laga main port city te, aro etu te 31 mure jai she, authorities khan para enia koi she Wednesday te.
Madagascar laga weather service khan para rede alert issue kure she, beshe jaga khan te, flood aro landslide hobole laga warning de she, hawa laga speed toh 195 kph thake she. Cyclone toh island kute 31 million manu buhea, etu laga opor te jai she, aro beshe manu toh puisa duk pa manu ase, etu karne ghor khan be thik thake nai.
Madagascar te beshe cyclone ahea, Indian ocean para ahnea, aro ja ja hafta te be ekta cyclone ahe she. National Officer for Risk and Disaster Management para koi she ki, beshe ghor khan gere she aro 31 manu morai de she, aro 36 manu neshe na toh jokhom pai kena ase. Agency para koi she ki char jun manu napi kena ase, aro 6,000 manu toh ghor chare kena jai she.
Randrianirina laga officer para koi she ki city laga 75% ghor khan toh bea hoi she. Power khan be kate de she Tuesday para. Tropical Cyclone Fytia kunto January 31 te Madagascar te ahe she, etu te 14 manu mure jai she, aro 85,000 manu ghor chare kena jabole lage she.
Add Comment