Trump administration pora dangor action lobule daiyar

Agencies, 14 September: Top Trump Administration official pora lawmakers logode kowah toh, United States khan dangor action lobule daiyar kori ase koise. Tai khan pora Iranian sanctions de kotha na-mani kena thaga kundu desh logode hoilebe action lobule ase. Etu opor de Iran pora tail kenise koile zero de namijabole ase koise. Indian-American Manisha Singh, Economic and Business Affairs  laga Assistant Secretary of State pora Thursday din Congressional time de kowah toh, tai khan notun sanction kora de kondu desh pora hoilebe kotha na-mana khan ke dangor action lobule daiyar kori ase koise. US pora Idia aro tusara desh logode Iran laga tail toh November 4 pora na-lobi nahoile sanction de dukh kori thakibe, koi-kena ase. Iraq aro Saufi Arabia laga nejide Iran toh India laga third sobse dangor tail supplier ase. April 2017 aro January 2018 time de, Iran pora India logode 18.4 million tonnes tail supply kori-kena ase.