United State, 16 May 2025: Top US diplomat Marco Rubio pra koishey tai high expectations nai Ukraine-Russia peace talks karne kun toh Turkey te hubo leh ase- aro Donald Trump aro Russian president Vladimir Putin toh lok kuribo lageh progress hubo karne. Rubio pra koishey Nato foreign ministers khan lokot meeting pichideh southern Turkey te, Moi bhab na toh moikhan breakthrough hubo lagibo tadeh President Trump aro President Putin etu topic te directly khota nakura tak. Volodymyr Zelenskyy pra confirmed kuri shey ki Ukraine khan delegations phatabo talks karne Istanbul te hoileh b criticised kuri shey ‘low-level’ delegation toh Moscow pra phata. Taikhan laka head, presidential aide Vladimir Medinsky insist kuri shey Kremlin team khan sop necessary competencies ase. Earlier etu din, Trump- kun Middle East te jai ase- suggest kurii shey ki significant progress peace talks te hubo leh chance nai tai aro Putin toh lok napa tak.
BBC pra huta time te board Air Force One te eni tai toh disappointed thaki shey nanai Russian delegation laka level pra, tai koishey, Sabi, eku hubo leh nahoi Putin aro moi eki lokot naha tak. Aro koishey, Tai toh ja nahoi eni moi toh najai leh aro moi bisas kuri ase eku hubo leh nahoi, tui kushi paileh b napai leh b, moi jun eki lokot naha tak. Hoileh b moikhan etu toh solved kuri dibo kileh koileh manu bishi muri ase. Trump pra koishey tai talks toh hisa lubo Turkey te Friday din te eni ‘appropriate’ thaki leh hoileh b olop deri hoi kina koishey tai Washington te wapas jai jabo.
Turkey, US, Ukraine aro Russia pra delegations toh lok kuribo ase Istanbul te Thursday din te first face-to-face karne Ukraine-Russia talks karne 2022 pra. Thursday din sam tak toh, eku time set kuri nai jaka karne. Kunba reports koishey Friday din te hubo pareh.
Add Comment