Trump laga advisor ke Positive test paishe

Washington: October 7, 2020. United States President Donald Trump laga tangor adviser Stephen Miller logot be COVID-19 positive paishe koishe. Etu melaikena White House laga staffs manuh khan virus paikena thaka toh komti hoilebi 10 jun manuh toh hoishe. “pas(5) din neshina hoishe ke, ami self-isolation te aro asti korikena kam kori ahiase, ami logot jaa kali dak virus toh negative te paikena ahishe. Hoilebi, aji ami ke COVID-19 positive paishe aro quarantine te ase” koikena Miller para statement te janai thishe. President Trump aro tai laga First Lady Melania Trump logot be Thursday din te positive tested paishe, etu agae te tai khan laga secretary Hopw Hicks logot bemari toh thurikena thakishe. Friday din te, Trump ke military hospital te admitted korishe aro tai Monday din te discharged hoishe. White House laga Press Secretary Kayleigh McEnany aro tin(3) jun press office laga staff logot be positive paishe. White House te kam kora tin(3) jun journalist logot be positive tested paikena ase koishe. Tuesday din te, White House para update guideline ekta health aro safety nemite staffs manuh logot janai thishe. “President aro First Lady logot positive result paa nemite, staffs manuh sob PPE lakaina hosari te kam koribo” koishe. Staff manuh kaun khan Trump aro family logot direct contact thakishe, hotai test loi ase, aro motob kora staff khan hotai 48 gonda pithor te test koriase. Etu oper te medical unit ke motob koribo nemite, independent health consultants be hired korishe, tai khan para staffs manuh aro tai khan laga family ke motob aro testing nemite, koishe. Dosura khobor ekta te, Tuesday din te Vice-President Mike Pence logot negative tested paishe. Wednesday din te, Salt Lake City, Utah te, Indian-origin Senator Kamala Harris logot vice-presidential debate thakiboli ase koishe. Centers for Disease Control and Prevention para dosura statement ekta te koishe ke, public laga kotha te vice-president toh loboli thaka debate te samil hoboli safe ase.