February 08, 2025, 07:18 PM: Ghana aru Kenya tey, insecticide khan aru mosquito net khan toh warehouse tey hey thaki asey, kiley maney U.S. laga official khan toh urgent anti-malaria campaign khan approve kuria nai.
Haiti tey, ekta group kun khan toh hoiley HIV patient khan ke treat kuri asey, tai khan toh U.S. laga permission nimitey rukhi asey, medicine khan dispense kuriboley karney, kuntu toh hoiley ama khan ke bacha khan opor tey bimar lagai diya ke rukhai diye itu dawai para.
Myanmar tey, motey famine khan hoi thakey aru itu U.S. toh hoiley ekla sob para dangor aid donor asey, ekta humanitarian kaam kuria manu para koishey itu situation toh hoiley bishi ekta ‘hala gula’ hoi jai kena asey.
Itya teen hapta nishina hoi jai kena asey, U.S. President Donald Trump para foreign aid ke rukhai diya toh, life-bachawa laga program khan itu duniya pura tey, rukhai di kena asey, humanitarian nimitey kaam kuria manu khan dukh pai asey, U.S. laga government wavier secure kuriboley karney, kuntu toh hoiley khula thakiboley lagisheley, dozen khan nishina aid tey kaam kuria manu khan aru U.N. laga staff para Reuter khan ke koishey.
Trump para itu 90 din karney rukhai diboley laga announce kuri diya pichetey, January 20 tey, U.S. Secretary, State Marco Rubio laga, tai para waiver khan issue kurishey, kuntu toh tai “life-saving humanitarian assistance,” koi kena koi thakey, kotey toh hoiley “core life-saving medicine, medical services, food, shelter, aru subsistence assistance” khan thaki kena asey.
Add Comment