WASHINGTON: Agi judge para decide kuribo ke former national security adviser Michael Flynn toh FBI ke missa kuwa nimite jail te jabo na nai. Etu case toh President Donald Trump laga campaign team aro Russia majote 2016 election agote collision huwa investigation para ase.
U.S. District Judge Emmet Sullivan, Mr. Flynn ke Washington te 11am(1600 GMT) te sentence kuribo.Special Prosecutor Robert Mueller toh Russian interference investigation lead kuri ase. Robert, Mr. Sullivan ke Flynn ke arrest no kuribole koishe. Mr. Flynn toh military service dishe aro “substantial” cooperation probe dishe. Etu nimite former general Flynn ke arrest no kuribole koishe. Mr Flynn December 17 te guilty plead kurishe. Mr. Flynn toh FBI agents ke Sergei Kislyak logote conversation kora laga missa koishe. Sergei Kislyak toh utu samay te Russian Ambassador , Washisgton nimite thakishe.
Plea agreement hesab te Mr Flynn January 2017 te investigators ke koishe tai Kislyak logote Russia against te US sanctions kora kotha kura nai. Hoile bhi hossa te tai kuri kena thakishe.
FBI ke missa kuwa nimite statutory maximum sentence pach saal jail ase. Mr Flynn laga plea agreement hesab te tai zero para choi moina jail nimite eligible ase.
Mr Flynn laga lawyers court ke probation term ek saal opor no hubo le mangishe. Etu logote supervision laga minimal conditions mangishe aro 200 hours community service mangishe.
Flynn laga lawyers recent court filing te koishe former adviser mercy deserve kure. Kile koile FBI agents ke missa kuwa toh crime ase meeting age te warn nokuri kena thakishe.
Lawyers koishe FBI Deputy Director Andrew McCabe Mr Flynn ke koishe interview lubole sob para joldi rasta toh counsel present nathaki kena ase.
Mueller probe critics argue kurishe ke etu toh Mr. Flynn ke fasa bole set up ase. Mr Flynn toh khali 24 hours karne White House karne kaam kurishe. Etiya tok te Mr Flynn toh Trump administration laga ekla member ase kun crime nimite guilty plead kurishe. Etu toh Mueller laga wide-ranging probe samay te uncover kurishe. Muller probe te etiya tok te 32 individuals aro teenta Russian firms ase.
Trump collusion thaka mana kurishe aro etu investigation ke “witch hunt” label kurishe. Russia bhi election te meddle kura mana kurishe. Etu toh U.S. intelligence agencies laga conclusions para alaga ase. Monday te Mr Sullivan special councel ke redacted January 2017 laga pachta page Flynn laga FBI account interview laga release koribole koishe. Mr. Sullivan koishe etu toh Flynn laga sentence nimite relevant ase.
Add Comment