New Delhi, 20 September – India aru US trade kotha juntu bishi bhal para ahishe, etiya nutun jhatka pai ase Trump administration dangor karar hobo thaka H-1B visa upor te. US sorkar etiya notun rule loi ahishe, juntu hisap te H-1B visa upor te $100,000 annual fee lagai dishe. Etu juntu karar India IT professional aru company khan laga upor te bishi asar kuribo, karon India manu khan H-1B visa laga largest pool of beneficiaries ase
Washington etu rule justify kuri kina koi ase H-1B program bishi abuse hoi ase aru etu karone American student khan science aru technology subject pursue kuribole discourage hoi ase. Aru tai koi ase, etu US technological competitiveness bhi namai dibo. Etu nutun policy Indian service sector khan logote bhi dangor problem bona bole pare.
India economy majote services laga contribution 55% ase, aru United States toh India laga bishi dangor services export market ase. Experts khan warning dishe ki etu restriction India IT aru outsourcing industry ke direct asar kuribo. Etu sector India middle-class expand kori thaka main driving force ase, aru etu “second middle-class revolution” ke danger te rakhidibo.
Etu karar time bhi sensitive ase, karon New Delhi aru Washington ekdom bhal para trade issue solve kuribo paribo koikina hope ase. Commerce Minister Piyush Goyal bhi US visit kuribole expect kuriase. Kintu etu visa fee hike trade negotiation ke tough banai dibo aru India service trade future protectionist world majote doubt te rakhidibo.
Add Comment