Trump laka advice: ‘Iran laka nuclear facilities keh first mari b’

October 5, 2024: Friday din deh Republican White House hopeful Donald Trump para Israel kan Iran laka nuclear facilities keh first mari bole lakeh kui nah biswas kureh kui shae.  Former President, kun North Carolina laka ekta campaign event deh kotha kuri taki shae, tai para ekta question keh refer kuri shae kuto Democratic President Joe Biden keh hudi shae. “Taikan para taike hudi shae, apni Iran laka ki papna kureh, apni Iran keh strike kuri shae? aro tai etu kui shae,’ taikan nuclear saman keh strike nakureh tak.’ Etu keh strike kura bo mun jai nah, apni?” Trump para ekta town hall style event deh kui shae. Wednesday din deh Biden keh ekta question hudi shae, Taike, tai Iranian nuclear jaka laka against strikes kan support kuri bo nah nakuri bo hudi shae aro President para reporters keh rtu kui shae: “Answer tho no ase.”“Muila papna deh utu tho gulti ase,” Trump para Friday din deh kui shae. “Etu keh heh strike kuri bole lakeh nahoi? Utu tho sobse dangor risk ase, nuclear weapons kan,” tai para kui shae.Wednesday din deh Biden para taila opposition express kuri shae, Iran nuclear facilities laka against strikes hobo leh. “Mukan Israeli kan lokot deh kotha kuri bole ase, taikan ki kuri bo ase kui nah,” Biden paea kuir shae. Tai para sob G7 members kan jawab dib oleh right ase kui shae, hoile b isap ekta deh jawab dibo lakeh kui shae.