November 28, 2024: Tui din agae, President elect Donald Trump para Canada aro Mexico laka upor deh nutun tariffs impose kuri bole damki di shae, illegal migration aro drugs keh crack down kuri bo karne. Etu hua piche deh Trump para tai, Mexican President lokot deh kotha kuri nah Mexico para Migration ruka bole mani shae kui shae.
Taila Truth Social account laka ekta post deh, Trump para tai “Mukan laka Southern Border keh bon kuri ase kui shae.” Tai para kotha tho bishi productive kotha taki shae kui shae.
Mexican President Cluaida Sheinbaum para tai Trump lokot deh kotha kuri shae kui shae aro kotha tho ekdum bhal taki shae kui shae.
“Migration issues deh mukan, Mexico laka strategy deh kotha kuir shae aro mui para taike, caravans tho northern (U.S) border deh napun chi bo kui shae, Mexico kan taikan keh sabo ase karne,” Sheinbaum para social media deh liki shae. “Mukan security issues deh cooperation kara kuri bole laka b kotha kuri shae.”
Monday din deh Trump para tai Canada aro Mexico para aha sob saman laka upor deh ekta 25% tax impose kuri bo kui shae, Jan 20 din deh office aha piche deh. Tai para etu plans tho tala truth Social site deh announce kuri shae.
Add Comment