United State, 14 January 2025: President-elect Donald Trump ke convict kuribo thaki shey 2020 presidential election toh illegally overturn kuribo koshis kura karne- kunto tai hari shey- eni tai successfully 2024 te re-elect hwa nai koileh toh, Department of Justice Report, Congress ke released kura laka hisap pra. Special Counsel Jack Smith laka report pra koishey, admissible evidence toh sufficient thaki shey conviction pabo leh aro sustain kuribo leh trial te.
Report released hwa pichideh Trump pra koishey Smith toh “deranged” ase aro tai laka saman pa khan toh “fake” ase. 137-page document toh Congress ke phatai dishey Judge Aileen Cannon pra Smith laka duita report – election interference case laka- kun toh released hubo -pra ekta toh rasta clear kura pichideh. Tai pra etu week lokot deri hoi kina hearing order kuri shey ki report laka hisa toh release kuribo nanai allegations laka kun toh Trump pra illegally classified government documents rakhi kina ase.
President-elect toh 20 January te office lubo ase. Special counsel, Jack Smith, tai laka post pra resign kuri dishey last week te. Smith ke 2022 te appoint kuri shey US Justice Department investigation toh sabo leh Trump laka opor te. Special Counsel khan toh departments khan pra chuneh cases te kute interest laka potential conflict ase. Trump ke accused kuri shey illegally documents khan raka laga, aro kunba cases te toh room khan ke gusi ja laka Mar-a-Lago resort te, Florida te.
Add Comment