United State, 30 April 2025: US President Donald Trump tai laka second term laka 100 din te office te manai shey campaign-style speech lokot, tai laka achievements khan tout kuri kina aro political foes khan ke target kuri kina. ‘Revolution of common sense’ ase koi kina, tai supporters laka crowd ke koishey Michigan te ki tai presidency toh chulai ase “profound changes” dibo leh. Republican pra tai laka democratic predecessor Joe Biden ke mocked kuri shey aro US Federal Reserve’s chairman te fresh criticism aimed kuri shey. Etu time te polls khan dismiss kuri shey kun toh tai laka nijor popularity slip hwa dikhai thaki shey. Trump pra ekta dramatic fall dishey migrants laka numbers te kun US illegally par kuri ase. Hoileh b economy toh potential political vulnerability ase tai global trade war shuru kuri kina.
Trump pra Tuesday din te suburb Detroit laka crowd ke koishey, Moikhan echa he shuru kuri ase, tui khan echa b eku dikha nai. America’s automative industry laka hub te khota kura time te, Trump pra koishey gari laka firms toh ‘lining up’ kuri ase nutun manufacturing plants khulibo leh Midwestern state te. Etu din earlier te tai pra taila economic plan laka key element to softened kuri shey- foreign gari aro gari parts laka imports te tariff- US car-bana khan pra dam utha laka danger toh warned kura pichideh.
Tai laka rally te, Donald Trump pra koishey opinion polls tai laka popularity dikha thaka toh sop misa thaki shey. Gallup laka hisap pra, Donald Trump toh khali post-world war Two president ase public’s support laka adhat pabo leh office te 100 din hoi kina, tadeh 44% approval rating lokot. Hoileh b Republican voters laka majority toh echa b kara pra president ke back kureh. Aro rival democratic party khan polling te duk pai ase.
Add Comment