Washington DC, 03 May 2025: Trump laga nutun budget plan announce hoise Friday de, aru propose kurise $49 billion cut foreign aid nemede.
President Donald Trump para US Congress ke hudise $3.2 billion approve kurivolae World Bank laga International Development Association(IDA) ke contribute kurivolae, juntu para low interest loans divo poor countries karone.
Reuters para koise poisa tu 3 years laga plan de divo koise. Experts khan global finance laga khan para etu request tu “ pleasant surprise,” ase koise, kele koile Trump para fundings nakurivo koina takise.
Former President Joe Biden para promise kuri kena takise $ 4bllion divo koina IDA ke , hoilibi etu poisa tu napai kena takise. Juntu Trump para koise etu amount tu chutu ase , sources para Reuters ke koise etu para help kurivo World Bank ke daikhan laga $100 billion target pungchibolae, alak donations khan combine kuri kena.
Etu laga final decision tu US congress loko ase. Trump laga administration para honour kurivo na nai Biden laga pledge opor huda time, Treasury Secretary Scott Bessent para Reutters ke koise final figure tu part hobo budget plan laga opor. “ beshi tu depend kure World Bank laga president Ajay banga aru IMF leadership basics de wapas ahibolae.” Scott para add kurise.
Add Comment