Trump para Mark Zuckerburg keh accuse kuri shae, taila against plot kura karne

August 30, 2024: Taila upcoming book Save America kuto September 3 din deh market deh ahi bole ase, etu book deh Donald Trump para Mark Zuckerburg keh slam kuri shae. Tai para Zuckerburg, 2020 election time de taike sabotage kuri shae kui nah accuse kuri shae. Taila book deh, former President para tech mogul lokot deh ekta meeting lua tho yat kuri shae aro election outcome upor deh taila gusa express kuri shae. Tai para Meta CEO nahoileh alak manu kan 2024 Presidential elections deh illegal activities kan kuri shae koile tho taikan prison deh lifetime face kuri bole pareh kui shae. Etu tho thik Zuckerburg, Biden-harris administration keh accuse kura piche deh ahi ase. Zuckerburg para Biden-Harris administration para social media giant keh pressure kuri shae kui shae, kun bah VOVID-19 content censor kuri bole. Meta CEO Mark Zuckerburg para Biden-Harris administration lokot deh collaborate kura karn maff manga piche deh, former President  Donald Trump para Zuckerburg tho taila against conspire kuri shae kui nah claim kuri shae. Book deh Trump aro Zuckerburg laka ekta photo taki shae, White House deh. Thik photo laka niche deh, Trump para Zuckerburg tho taila lokot mili bo karne Oval Office deh ahi takeh kui shae. Politico laka isap deh tai etu kui shae,” Tai hotai taila bhal maike keh dinner deh ani takeh aro ekdum bhal para behave kureh. Enaka kura time deh tai shameful Lock Boxes install kuri bole plot kuri takeh, PRESIDENT LAKA AGAINST.” Former Prez tho ekta time laka kotha kuri ase, kita Zuckerburg aro taila maike, Piscilla Chan para election setup lokot deh motot kuri bo karne $420 million di shae, 2020 election time deh.