Trump para Paris Olympics opening ceremony keh slam kuri shae

July 30, 2024: Donald Trump para ekta performance laka upor deh, Paris Olympics opening ceremony keh blast kuri shae. Etu performance tho bishi manu para Last Supper keh mock kureh kui shae. Former president aro alak bishi manu kan controversial performance keh criticize kuri nah ase. Fox News laka The Ingraham Angle keh kotha kuri nah, Trump para performance tho  ekta “disgrace” ase kui shae. “Opening ceremony tho disgrace ase kui nah papi shae mui tho. Muila papna deh etu tho ekta disgrace taki shae.” Scene para drag performers aro artist keh line kura dikai shae, ekta table deh. Thomas Jolly, kun ceremony laka artistic director ase, tai para scene tho Greek mythology aro Feast of Dionysus para inspired ase kui shae. Greek God tho singer Phillippe Katerine para portray kuri shae, kun naked nishi nah heh taki shae aro blue body paint deh taki shae. Jolly para tai tho famous biblical story para inspiration lua nai kui shae. Hoile bhi Christian kan bishi, scene tho Leonardo da Vinci laka painting, Jesus Christ’s Last Supper keh resemble kureh kui nah biswas kureh kui shae. Manu kan bishi performance tho offensive ase kui nah pai shae kui shae.