Trump para tai Elon Musk keh cabinet spot offer kuri bo kui shae

August 20, 2024: Tuesday din deh Donald Trump para tai elect hui shae koile tho Tesla CEO Elon Musk keh ekta Cabinet post nahoileh advisory role offer kuri bo kui shae, Reuters laka isap deh. Etu remarks kan tho Musk para Trump lokot deh ekta interview lua piche deh ahi ase, kuto taila platform X deh hui shae. Interview deh. Trump para Musk laka automobiles keh praise kuri shae. Tai para sob manu electric gari lubo leh mun taki bo pareh, hoile b Musk tho “bhal products” kan banai kui shae.” The Washington Post laka isap deh, Musk para tai 2020 contest deh President Joe Biden keh support kuri shae kui shae. Hoile b Trump laka upor deh assassination attempt hua piche deh, tai phat taila position change kuri shae kui shae. Tai X deh liki nah etu kui shae,”Mui fully President Trump keh endorse kuri ase aro taila rapid recovery karne hope kuri ase.” Puila ekta X post deh, Musk para tai Trump lokot deh ekta White House advising role lobo leh kotha kura nai kui sha. Tai para etu kui shae,: Ekta potential Trump Presidency deh mui karne ekta role kotha kan kuri nah nai.” Hoile b Trump para taila administration deh Musk keh ekta position offer kuri bo kui nah indicate kuri shae.