Trump para threaten kurise massive sanctions Russia opor Ukraine conflict tu khotom nahoile

Washington DC, 23 August 2025:  U.S. President Donald Trump announce kuri she ke tai tu two weeks laga bitor te ekta “important” decision lo bole ase Ukraine peace laga efforts karone. Oval Office para khota kuri thaka time te, Trump koi she ke tai laga decision tu Russia laga upor te bishi dangor sanctions aru tariffs impose kuri bo pare, na hoilae bhi action nohoi, aru conflict tu Ukraine laga nijor fight hobo. Trump laga comment tu ahi jai she, Russia para ek din agae te ekta U.S.-owned factory Ukraine te strike kuri thaki she. Tai koi she ke eta “not acceptable” ase. Russia laga action te unhappy thaka she, aro Trump para koi she ke tai tu wait kuri ase watch kuri bo Putin aru Ukrainian President Volodymyr Zelenskyy ke meeting karone peace talks laga . Tai para describe kuri thaki she ke tai laga relation ke “oil aru vinegar” ne she na bujhai dise, aru tati summit arrange kuri bole bishi difficult ase. President para koi she ke tai laga final decision tu Moscow aru Kyiv tai jun laga attitude upor te he depend kuri ase. “It takes two,” Trump koi koi kena explain kuri thaki she peace laga progress ahi bole duita side te bhi willing hobo lage. Tai tu personally meeting khan bhi attend kuri bole bhi pare, hoilae bhi tai laga first challenge tu two leader ke ekta meeting karone ani bole ase. Trump reporters logot ekta photo share kuri she, aru Putin logot Alaska summit time te lui she, aru photo Kremlin para pathai she. Trump laga habit tu two weeks te hotai deadline announce kuri thaki, hoilae bhi bishi time te deadline expire hoi jai etu bhi action khan eku na loi kena. Etiya, Russia August 22 te ruling out kuri dise Putin aru Zelenskyy laga meeting karone, aru tati Trump para agae te claim kuri thaki she ke tai tu European aru Ukrainian leaders logot consult kuri kena summit arrange kuri ase. Trump last te repeat kuri she ke tai laga decision tu two weeks bitor te “bishi important” hobo aru Russia aru Ukraine dui jun laga upor te effect kuri bo.