Trump pick kurise India laga Ambassador

Washington DC, 23 August 2025: Former U.S. President Donald Trump para tai laga longtime friend Sergio Gor ke next U.S. Ambassador tu India aru Special Envoy for South aru Central Asian Affairs laga hisap te nominate kuri thaki she. Trump social media te announce kuri de she ke ati Gor ke tai laga “great friend” koi thaki she, tai laga side te bishi years thaka tu mention kuri de she. Gor tu, 38 years ase, White House te Director of Presidential Personnel laga hisap te kaam kuri ase, aru etu time te tai aru tai laga team nearly 4,000 officials khan ke hire kuri she aru 95% federal departments fill hoi jai she. Tai laga confirmation time na hoa tak tai tu White House te tai laga role te he thaki jabo. Gor X (Twitter) te post kuri kena thaka  laga gratitude express kuri she, aru nomination te “honour of my life” koi kena, Trump laga trust ke appreciate kuri she. Tai koi she ke tai tu American people khan ke serve kuri bole aru “Making America Great Again” agenda te contribute kuri bole proud feel kuri thaki she. Sergio Gor tu Uzbekistan te born hoi she aru etu time te Soviet Union thaki she. Bacha time te tai tu tai laga family khan logo te Malta move khan bhi kuri thaki she, piche te tai tu U.S. te university join kuri kena Republican politics te active hoi she. Tai Senator Rand Paul logot kaam kuri kena, Trump kaarne fundraising aru book publishing kaam bhi handle kuri lui she, aru amateur wedding DJ bhi thaki she. Trump tai ke credit kuri she ke tai laga presidential campaigns aru best-selling books publish kuri bole karone. U.S. officials bhi nomination ke welcome kuri she. Vice President JD Vance Gor ke “great guy” koi kena India te fantastic ambassador hobo koi she. Secretary of State Marco Rubio bhi endorse kuri kena, U.S.-India relation laga importance highlight kuri de she aru Gor ke “excellent representative” hobo koi she. Nomination tu India khan logo te tense situation te ahi ase, etu karone Trump para  India laga upor te 50% side te impose kuri de she, aru etu tu 25% penalty Russia laga oil kina karone. Etiya bhi, appointment tu show kuri ase ke U.S.-India relation te huni bole pari ase ke Trump tu ekta trusted man ke appoint kuri se