Trump pora US mobiles de Presidential Alert pothabo

Washington, 16 September: Thursday de Trump administration pora sob US cellphones logode message pothabole ase. Tai khan etu massage toh poila laga alert system najolai kena thaga test koribole ase. Message de public khan logode national emergencies hosiya janaide kena thakibo. Message laga headline toh “Presidential Alert” thakibo. Etu khobor toh Emergency Management Agency (FEMA) pora jowah hapta janaide kena thakise. FEMA pora kowah hesab de, phone de ekta gara tune awas olabo aro special vibration hobo koise. Etu pora alert pothabole ase. Thursday din 2:18 p.m de message toh, “THIS IS A TEST of the National Wireless Emergency Alert System. No action is needed” koi-kena lekhai kena thakibo. Etu test koribole laga tohm national emergency time de jolabo karni kora laga ase. U.S. cellphone jola manu khan etu ke reject koribole na-paribo. 2016 sal de, purana President Barack Obama pora public safety emergencies karni bonabole mana thakise. 2012 de wireless emergency alert system suru howah bechide, 36,000 opor alerts toh bacha hara, weather thek na-thaga aro natural disasters nesana khan karni thakise.  FEMA pora janaide kena thaga hesab de, alert toh national emergencies time de he jolabole ase koise.