Washington DC,05 July 2025: July 5, 2025 te, U.S. President Donald Trump ekta dangor multi trillion-dollar bill sign kuri she, dubbed te “One Big Beautiful Bill Act” Tax break aro spending cuts te focus kuri ase. White House saamne te Trump Republican lawmakers logot bill sign kuri kena, ekta symbolic gavel use aro celebration kuri she, Independence Day occasion te military flyover bhi thaki she.
Etu bill Trump laga 2017 tax cut extend kuri kena, Medicaid aro food stamp programs pora $1.2 trillion budget cut kuri she. Immigration enforcement bhi bishi fund pabo. Congressional Budget Office hisab te, etu bill decade te $3.3 trillion deficit add kuri bo aro 12 million Americans health insurance pora banchi jabo.
Senate te bill ek vote difference te pass hoise, aro Vice President JD Vance tie-breaking vote dishe. Democrats bill oppose kuri she, koi ase ke etu amir manu ke bhal aro nathaka manu ke dukh dey. Democrat leader Hakeem Jeffries koi dise “etu ekta crime scene” ase.
Trump etu bill ke ekta boro political jeet koi kena describe kuri she, aro Democrats ke criticize kuri she. Tai koi ase ke public support ase, hoilae bhi polls te public opinion mix ase, child tax credit support kuri she, ina kuri kena food aid aro Medicaid cut oppose kuri she, aro $3 trillion debt increase ke unacceptable koi ase.
Etu bill 2026 midterm election te ekta biya issue hobo, Democrats campaign, rally, aro voter mobilization laga plan banai ase.
Add Comment