October 3. 20202. United States President Donald Trump logot coronavirus positive tested paa nemite, tai laga US election nemite kam toh postponed koribo bahoile virtually thakibole koishe. US President Donald Trump logot positive pailebi, bemar toh komti ase aro Friday pujur tai kam te thakishe, koikena tai laga Chief Staff, Mark Meadows para janai thishe. First lady Melania Trump ke be positive tested paishe aro White House te dosura manuh khan logot be thurishe. Bhapana ase ke White House nohoile Donald Trump logot virus toh spread kora ase. Trump laga chokra Barron, kaun wWhite House te thaki ase tai logot negative test paishe. Etu virus para 205,000 oper American manuh morikena ase aro bemar toh spread hoikena, presidential election thakibole ek moina thaka samay U.S government te cases toh besi uthi ase koishe. Etu samay, Democratic presidential nominee Joe Biden aro tai laga satini Kamala Harris logot negative test paishe, tai khan manuh para koishe. Friday din te, Vice President Mike Pence tested kora te negative paishe aro tai “besi bhal halat te ase”, koikena tai laga spokesman para koishe. Trump laga Supreme Court nominee, Judge Amy Coney Barrett aro dosura manuh besi Saturday din Capitol Hill te Trump logot thakishe, aro tai be negative ase koikena White House para junaise.
Add Comment