Trump’s first term laga de: Kim Jong Un

Seoul, 6 September: Thurday din Seoul pora janaideya hesab de, tuita Koreas toh September moina Pyongyang jaga de summit thakibole ase koise. September 18-20 de summit thakise koile tuita desh leader North’s leader Kim aro South Korean President Moon Jae-in majode tin-par wala hobo etu sal. Etu summit loi thaga toh, US pora Pyongyang’s nuclear kothom koidebe kowah bechide howah ase. South Korean National Security Advisor Chung Eui-yong pora reporters logode janaideya hesab de, tuita leader toh North Korean capital jaga de log koribole ase koise. Etu time de tai khan denuclearise nemide kotha koribole ase koise. Wednesday din Chung toh Pyongyang jaga de jaa thakise. Etu time de tai pora Moon laga personal letter toh Kim logode deya thakise. Etu karni Seoul toh US President Donald Trump aro North Korean leader majode June summit thaga toh aro suru korijabo nesana ase. Singapore meeting time de tuita leader toh Korean peninsula denuclearise koribole wada kor athakise. Hoilebe details toh agree na-kora thakise. Washington aro Pyongyang toh etu laga de jetibole ektum kosish kori ase.