Bengaluru, 28 July: Monday din Congress para legislative party meeting lobole ase. Etu toh state Assembly deh confidence motion laga agae deh ase.
Sunday din Speaker KR Ramesh Kumar para anti-defection law pethor deh Congress aro JD(S) laga 14 rebel MLAs khan ke diswualified korise. Tai khan 15th Legislative Assembly laga term naponja tak election deh contest kuribole naparibo.
Disqualify howah 11 rebel Congress legislators khan toh Pratap Gowda Patil, BC Patil, Shivanand Hebbar, ST Somashekar, Shrimant Patil, BA Basavaraja, Anand Singh, R Roshan Baig, Muniratna, K Sudhakar aro MTB Nagaraj ase.
JD(S) para tinta MLAs disqualified howah toh AH Vishwanath, Narayan Gowda aro Gopalaiah ase.
Thursday din Speaker para three rebel Congress MLAs – R Shankar, Ramesh Jarkiholi aro Mahesh Kumathalli ke disqualified kora thakise.
Etu moina agae hapta phali rebel MLAs khan toh Congress-JD(S) coalition para olaija thakise. Etu toh 225-member Assembly deh coalition government ke komchor korideya thakise. Etu para state deh political chamela ola thakise.
Tuesday din government toh House deh trust vote lost khaa thakise. Hara bechide Kumaraswamy para tai laga cabinet ministers logode Raj Bhavan deh resignation toh Governor Vajubhai Vala ke deya thakise.
Friday deh Karnataka BJP president BS Yediyurappa para fourth par nemide Karnataka laga notun Chief Minister nemide wada kora thakise. Tai para vote of confidence laga tabling nemide khobor jani kena koise, Monday din House laga floor deh majority prove kuribo.
Add Comment