TSA khan National Highway bondh kurishe

IMPHAL | November 25, 2018: General Headquarters (TSA-GHQ), Thadau Students’ Association khan khobor te koishe ekta indefinite bandh thakibole ase .Etu bi tai khan laga leader ek jun ke 12 Assam Rifles pora assault kura nimete .Etu Bandh toh Manipur  laga sob national highway te kuribo November 27 laga rati pora shuru kurikena. TSA-GHQ koishe ki etu decision luwa toh bandh nimete  TSA GHQ aro tai laga members majhotte kotha kurikena ola ase  Etu bi authorities khan pora okobi nakura nimete  TSA Secretary General, Michael Lamjathang Haokip, November 12, 2018 Sita Lamkhai Check post, Tengnoupal te 12 Assam rifles khan pora assault kura nimete .TSA-GHQ, khan kuwa hisaab te  tai khan hadsaa huwa pichede tai khan bhabona kuri thakishe  authorities khan etu matter toh khotom kuribole kosish kuribo bhal pora. TSA-GHQ  koishe “Etu okobi nakurikena PRO of Inspector General, Assam Rifles (South) (IGAR (S) pora November 20 te mesa misi statement dishe  tai pora bodnam krishe Michael L Haokip uporte tai khan personnel khan pora kura toh lokaikena  .  Aro koishe ki Chandel aro Tenugopal laga TSA units khan pora ekta counter statement dishe IGAR(S) pora statement diya te .Tai khan koishe  “Michael Lamjathang Haokip pora bi November 21 te etu statement laga jawab dishe .Tai etu te koishe tai ke kinika 12 Assam Rifles khan pora assault kurishe aro tai kile Police aro Commanding Officer 12 Assam Rifles Tengnoupal laga   te jaikena etu laga kotha kurishe hoilebi okobi jawab dianai .Aro tai pora higher authorites aro Union Home Ministry ke saidibi koikena janaishe  aro etu chamela toh khotom kuribi koishe etu nishena hadsaa nohobole nimete .Tai khan aro koishe  12 Assam Rifles khan pora  Thadou customary apology mangise.Etu toh Thadou Inpi, General Headquarters (Apex body of the Thadou tribe) aro TSA pora koishe  . TSA-GHQ aro koishe tai khan ki koishe etu kuranai koile toh November 27 tak TSA khan etu  indefinite national highways bandh November 27 rati pora shuru kuribo.