February 23, 2024 : Itu District Planning & Development Board meeting loishey, Tseminyu tey loishey, itu MLA & DPDB laga Chairman – Ar. Jwenga Seb laga chairmanship under tey loishey, 21st February, 2024 tey.
Itu Chairman para itu sob esteemed members khan ke welcome kurishey aru notun members khan ke introduce kurishey, itu house ke. Itu Chairman para itu jawa muhina laga meeting laga agenda khan discuss kuria toh highlight kurishey. Itu agenda khan laga discuss kuri thaka homoi tey, 4 sitters toilet (2units) aru urinal shed khan laga construction nimitey proposal dhalishey, community sanitary complex tey, ekta pai laga tanki construct kuriboley proposal dhalishey, 4000 litres capacity thaka laga, NST station tey, Tseminyu tey, community waiting shed laga construction nimitey proposal dhalishey, DC road laga office area tey, Khanidu cultural society laga registration aru duita Traffic control point khan laga construction laga proposal dhalishey, Tseminyu Town tey, itu khan khan laga opor tey discuss kurishey, aru recommend kurishey.
Tseminyu laga Sr. Medical Officer para itu Medical department laga activity khan present kurishey, PowerPoint para. Itu Food & Civil Supply department para toh hoiley tai khan laga department laga activity khan present kuriboley asey, itu next meeting tey.
Itu chairman para itu bhi request kurishey itu department head khan ke, tai khan laga duty khan ekta sincere manner para execute kuriboley karney aru itu subsequent DPDB meeting khan attend kuriboley koishey, fail nakuri kena.
Add Comment