October 17, 2024: Tseminyu laka monthly District Planning & Development Board meeting tho 17th October 2024 din deh lui shae, MLA & Chairman DPDB Tseminyu, Jwenga Seb lah chairmanship pitor deh. Meeting tho DC laka conference hall Tseminyu deh lui shae.
Chairman para sob board members keh welcome kuri shae aro etu piche deh puila meeting deh kura kotha kan keh review kuri shae. Puila lah meeting deh district court complex karne mark kura mati deh kotha kuri shae. Etu review kura time deh, verification committee para sob lakia verification kan kuri shae kui nah janai di shae aro approval karne concerned department kan keh patai di shae kui shae.,
Meeting deh etu agendas kan deh kotha kuri shae: Nutun society laka Registration, kuteh All Rengma Welfare Society aro Commercial Vehicles Pickup Driver Union ase, etu deh kotha kuri shae aro concerned department kan keh patai di shae. District Planning Office laka construction aro dedicated DPO karne deputation, Tseminyu District karne. Tseminyu deh District Jail bana bole b kotha kuri shae aro approval karne proposal tho government keh patai di shae,
Land Resources laka Department para taikan laka departmental activities kan di shae, power point presentation kuri nah. Fishery Department keh aha DPDB meeting deh PTT present kuri bole kam tho di shae, Chairman para ekta vote of thanks di nah meeting tho kotom hui jai shae.
(Maghasha Tep, Asst. Director)
Add Comment