Tseminyu, 18 April: Tseminyu District Planning and Development Board meeting toh 14th April 2022 te Deputy Commissioner’s Chamber, Tseminyu jaga te lowa thakise aro etu meeting toh Advisor, Animal Husbandry and Women Resources and chairman, DPDB Tseminyu, R. Khing laga chairmanship te lowa thakise. House para Tseminyu District under te alak alak departments official bonabole/up gradation opor te kotha korise aro etu nemite proposal toh higher authority te pothabole manishe. Aro tai khan para be Tseminyu District Hq nemite master plan nemite proposed/plan kora thakise aro proposal toh government te 250 acres to 500 acres laga mathi/land lobole nemite pothabole manishe. House para be matter te loise notun administrative units bonabole nemite aro Kasha jurisdiction under te development activities laga invitation nemite. Members para GHSS Tseminyu te science aro commerce streams suru koribole opor te kotha korise aro proposal te agae pothabole manishe. SDEO Tseminyu nemite office building bonabole, District Education Officer’s office bonabole aro Dy. CVO office to Chief Veterinary Officer te bonabole opor te kotha kora thakise aro etu toh concerned authority te forward/agae pothabo. House para be Chunlikha under Article-275(1) te Eklavya Model Residential school bonabole opor te kotha korise.
Tseminyu DPDB meeting te Developmental Activities opor te kotha korise
Add Comment