PHEK, NOVEMBER 27 : Advisor for Water Resources, Namri Nchang aro Advisor for Youth Resources & Sports Er. Zale Neikha toh Chief Guest nemite ahe kena Ngada Mini Hornbill Festival toh suru kuridese. Etubi RSA Ground, Tseminyu Old Town, 27th November 2018 te. Aro etu din laga Chief Host nemite toh Advisor for Vety & AH aro Women Resources Development, R Khing thakise. Aro tai etu din te kotha kurikena etu din laga Chief Guest nemite aha Advisor Er Zale Neikha ke besi khushi baa kotha janaise. Kele tai bi etu din te khushi pora hisha kurikena thaka pora. Aro tai Rengma manu kan ke tai kan neju Tribe laga Traditional Heritage kan toh dekhaidebole matise aro etu din toh eneka suru huise koise. Etu oporte tai bi Sumi Cultural Troupe (Mongolimi Bosti) kebi etu din te ahe kena Folkdance dekhaidiya karne besi khushi baa janaise koise.
Etu din laga Programme te ki-ki dekha kan toh Folk Songs toh Sumi Cultural Troupe (Mishilimi bosti), Tesophenyu Group, Phenshunyu Lowjvu pora dekhaidese aro Ngada Dance toh Kasha Daho pora, Traditional Fire making display toh Kandi Group pora aro Male voice presentation toh Hinenlo Kath aro shati kan pora dekhaide kena thakise koise.
Etu din laga Programme suru kura toh Ngada koi kena Tseminyu Union pora dekhaide kena suru kurise. Etu bejete Ngada koi kena kotha toh Jilo pora dekhaidese. Aro Ngada laga bhal kotha (Significance) toh Kenyuseng Tep, President Rengma Hoho pora janaidese. Aro ADC aro etu din manabole kura Organising Committee laga Chairman, Nokchasashi Ao pora toh Welcome Address janaidese koise. Etu din te Chairman Lotha, Mhao Lotha aro Leaders kan Non-Rengma Tribes kan Tseminyu Town laga aro Sob Sorkar Officials kan ahe kena thakise koise.
Add Comment