April 14, 2025, 04:55 PM: Tseminyu District ICDS project, Poshan Pakhwada 2025 (8th April para 22nd April 2025) para ekta awareness Camp loishey, Tseminyu laga Town Hall tey para, 14th April, 2025 tey. Dr. Medozhatuo Keretsu, MO (Ayush), NPCDCS Tseminyu aru District Co-ordinator Kohima, Poshan Abhiyaan, Eliana Tep toh resource person hisap thaki kena.
Itu program laga homoi tey, Dr. Keretsu para koishey, itu Anaemia laga 6 common sign khan saboley laga toh hoiley – persistent fatigue, pale/yellowish skin, heartbeat bhal para nahoa laga, haath & feet khan thanda thaka laga, matha ghurai thaka aru chest bikha laga.
Eliana Tep para koishey, proteins, calcium aru iron green vegetable khan toh hoiley khaboley lagey, balance diet nimitey, bhal habit cultivate kuri kena, exercise aru ekta healthy diet khan nishina itu logotey bishi benefit khan anibo, future tey.
Sr. Supervisor, ICDS project Tseminyu, Obed Magh para itu program ke chair kurishey. CDPO/ DPO i/c Tseminyu, Menokhrielie para opening remark dishey. Aru block coordinator, Tseminyu, Poshan Abhiyaan, Allen Seb para vote of thanks pronounce kurishey.
Add Comment