February 02, 2025, 06:55 PM: Tzürangkong Senso Senden (TSS) para toh hoiley aru janaishey ki, kun ke bhi oil drill kuria aru natural resources khan extract kuriboley allow nakuribo, Tsurangkong Range tey, ancestral traditional land owner khan logotey thik thaka laga agreement nakuri kena, tai khan laga consent nali kena aru tai khan ke najanai kena, itu Ao Naga community laga.
Ekta press release tey, TSS laga president -Moa Kichu aru secretary Chuba Pongen para state kurishey ki, Tsurangkong range kuntu toh hoiley Assam logotey border thaki kena asey, kotey Ao Naga community khan thaki kena asey, Mokokchung district laga, kun khan itu mati laga traditional mati malik asey. TSS para itu bhi koishey, ki, Tsurangkong Range toh hoiley Ao Naga Community khan laga ancestral traditional mati asey.
Itu Senden para state kurishey ki, ajikali hey, itu Assam laga government, itu Environment, Forest & Climate Change laga Union Minister para “abet” kuri kena, tai khan laga traditional ancestral mati toh allot kuriboley kurishey, Vedanta karney, exploration aru drill kuriboley, oil laga, tai khan ke najanai kena aru nahudi kena.
TSS para aru bhi state kurishey ki, border magistrate, district forest officer, Assam laga, itu Environment, Forest & Climate Change laga Union Ministry laga official khan, aru Vedanta khan ke toh hoiley tai khan laga area para, wapas pathai dishey, November 15 2024 tey. TSS para koishey, itu official khan tatey “moi khan laga area tey inspect kuriboley jaishey, moi khan ke najanai kena aru nahudi kena, itu exploration aru drill kuriboley karney, oil laga”.
Add Comment