Tsungkamnyo Festival Khotom Hoishey, Shamator District Tey

January 18, 2026: Itu teen din lamba vibrant aru colourful celebration, Yimkhiung tribal Tsungkamnyo festival toh hoiley successful para khotom hoishey, tatey Dr. Sukhato. A. Sema, MLA toh special guest hisap buhi kena, Shamator tey, 17^th January, 2026 tey. Itu occasion tey kotha kuri kena, Dr. Sukhato para koishey ki, tai toh hoiley khushi asey, itu TSÜNGKAMNYO Festival ke grace kuriboley mauka pawa toh, kuntu toh ekta vibrant traditional aru heritage asey, itu Yimkhiung manu khan laga, ekta important initiative asey, itu Nagaland Government laga. Tai para koishey, itu Mini-Hornbill laga idea toh simple asey, hoielbi powerful asey – moi khan laga rich Naga Heritage khan aru Culture khan toh manu osor tey aniboley aru alag alag community khan ke ekta platform diboley tai khan laga tradition khan present kuriboley karney, pride aru dignity para. Itu Tsüngkamnyo showcase kuri kena, itu post-harvest winter festival, itu MLA para koishey moi khan shikhey aru jani pai ki, Tsüngkamnyuo toh hoiley ekta meaning thaka homoi tey ahey, saal tey. Itu harvent toh hoiley khotom hoa laga asey, itu mati toh hoiley rest kuria homoi asey aru manu khan toh last tey eke logotey ahiboley laga ekta homoi asey, celebrate kuriboley aru relationship khan majbut kuriboley.