Jowah kali Loyem Memorial Ground Tuensang jaga deh tui din wala Poang Lum mini Hornbill 2019 manaishe. Etu toh theme Lamshok (Treaty) pethor deh manaishe. Programme deh special guest toh Secretary, Tourism, T. Mhabemo Yanthan thakise aro tribal guest toh Seopi, President United USLP thakise. Lima Onen, OSD to Chief Minister toh host thakise aro Yongching Khumla Joint Secretary, Health aro Family Welfare toh Co-Host thakise.
Speech time deh special guest para kowah toh, etu event mana toh Kisama jaga laga Hornbill festival deh ahhaibole napara khan karni lowah laga ase. Tuensang toh Nagaland deh ekala district ase major tribes thakikena thaga toh. Etu laga naam khan toh Chang, Khiamniungan, Sangtam aro Yimchunger ase. Nagas deh rich culture aro tradition toh ami khan laga ancestors para ase aro etu toh duniya para lokaikena thakishe. Hoilebe jaija din time deh, Nagaland laga rich cultural heritage toh Hornbill festival time deh dekhaise. Tai para Nagaland deh tourism toh main industry ase koikena janaishe. Sob tribal festival, event aro tourist destinations nesana khan para aji-kali aro ahhibole din time deh Naga Economy toh othibo koikena janaishe. Tai para tourism othibo karni Department para infrastructures aro local public para avenues nohoile phal khor khan toh bonabo pari koikena janaishe.
Kekongchim, President ENPO para tai laga katha speech time deh behu laga aims aro objectives janaideya thakise. Etu behu para tribes ekala ke nahoi kena neighbours logodebe phal para thakibo karni rasta khelibole ase koikena janaishe. T. Seopi, President USLP Tribal be etu Poang Lunm mini Hornbill festival para community aro society majode phal hoijabole biswaas kori ase.
Welcome address toh Limaonen para dese aro Poanglum Mini hornbill laga greeting toh Co-Host para janaideya thakishe.
Event deh Sangtam Cultural troupe aro Sangtak Cultural troupe para traditional items korishe. Tusara highlight deh, traditional greased pole climbing, cross bow target shooting, hapbung Race (Local wooden wheeled wooden car), stilt Bamboo race), traditional fire making, pork fat eating competition aro Chang strongest man competition etc thakise. Etu bechide Chang Various Artist Musical night thakishe.
Add Comment