March 07, 2025, 05:49 PM: Itu Tuensang District Planning aru Development Board meeting loishey, 7th March 2025 tey, DC laga Conference Hall tey para, Tuensang laga, tatey Deputy Commissioner aru Vice Chairman DPDB, Lithrongla Tongpi Rutsa para itu meeting toh chair kuri kena.
Itu jawa muhina laga olop homoi laga kotha khan review kuri kena, itu house para itu Thrive Rural Society, Tuensang laga registration toh recommend aru approve kurishey.
Itu DC para itu co-ordination meeting cum workshop opor tey highlight kurishey, kuntu toh hoiley 5th March, 2025 tey loishey, CBLT laga Conference Hall tey para, the Eleutheros Christian Society (ECS), Government Officers, Ward Representative, TCCI, DB aru GB khan logotey, – itu Drug Control, HIV aru Waste Management laga opor tey, Tuensang Town tey.
Itu Deputy Commissioner para itu RTI Training opor tey bhi highlight kurishey, Tuensang tey organize kuriboley thaka laga, itu April muhina tey, aru itu district laga HOD khan ke request kurishey, itu Training Programme tey attain kuriboley karney.
Soa Chang College laga Principal – Dr. Lanurenla para itu concern Department ke request kurishey, Sao Chang College laga student khan ke assist kuriboley karney, tai khan laga internship paper tey, itu semester laga, kiley koiley tai khan toh hoiley visit kuriboley asey aru assistance bisariboley asey, skill learning programme, cybercrime, Agriculture, Fisheries aru Art & Craft opor tey.
Add Comment