June 10, 2025, 05:38 PM: Itu June muhina laga District Planning aru Development Board Tuensang laga meeting loishey, 10th June, 2025 tey, DC laga Conference Hall, Tuensang tey para, itu Tuensang laga Additional Deputy Commissioner – Shelley Katiry laga Chairmanship under tey.
Itu jawa muhina laga meeting laga olop homoi laga review kuria homoi tey, itu Chairman para itu house ke apprise kurishey ki, e-waste laga collection kuriboley nimitey, warehouse toh hoiley ekta muhina bhitor tey para khotom hoboley asey aru e-waste laga collection toh hoiley judli hey shuru kuriboley, itu Government office khan aru Institution khan para.
Itu house toh hoiley agenda aru recommendation opor tey discuss kurishey, Sozo Mission Society laga registration nimitey aru Tuensang Town laga extension kuriboley nimitey, Tuensang Village area khan tey, kotey itu area laga survey toh juldi para kuriboley asey. Dr. Imlitemsu Ozukum CMO Tuensang para Nikshay Mitra opor tey highlight kurishey, kuntu toh hoiley Nutrition support provide kuriboley aim kurey, TB Patient khan karney, aru tai para itu member khan ke request kurishey, poisa khan contribute kuriboley, TB Patient khan nimitey, itu district tey.
Itu District Fishery Officer Tuensang laga Department ke entrust kuri kena thaka nishina, tai khan para itu Board ke tai khan laga Departmental activity khan present kurishey.
Add Comment