Tuensang laga DC para notify kurishey

September 10, 2024: Deputy Commissioner, Tuensang, Lithrongla Tongpi Rutsa para toh hoiley itu Tuensang Town laga general public khan ke notify kurishey ki, itu ahi thaka Dr T. Ao Trophy kuntu toh hoiley 17^th September 2024 para shuru hoboley asey aru itu nimitey raasta khan sapha kuriboley, Town area bhitor tey, kiba obsolete saman khan, gari khan saman khan laga, itu di kena thaka order khan toh hoiley issue kurishey strict para itu hisap tey chuliboley: 1. Sob off-road gari khan kuntu toh hoiley itu raasta laga kinar khan tey park kuri kena asey, Town area bhitor tey, itu khan phat para hataboley lagibo. Itu kuriboley fail hoishey koiley, authority para itu gari toh seize kuribo aru gari toh uthai kena loi jabo, aru itu nimitey kiman kharcha khan hobo itu gari laga malik para tiraboley lagibo. 2. Building aru construction laga saman khan kuntu toh hoiley raasta laga side phaney rakhi kena asey itu khan sob toh phat para hataboley lagibo. Itu kuria nai koiley fine khan tiraboley lagibo. Itu koi kena thaka kaam toh hoiley 12^th September tey para nahoiley utu laga agey para kuriboley lagibo koishey. Itu authority para 13^th September, 2024 tey inspection kuriboley asey.