Tuensang Laga Deputy Commissioner Para Inform Kurishey

November 04, 2023 : Itu Nagaland laga Olympic aru Paralympic Game 2024 (NOPG) laga view tey, kuntu toh hoiley 8^th para 13^th January tak hoboley asey 2024 tey, itu Tuensang district laga Deputy Commissioner – Lithrongla Tongpi Rutsa para toh hoiley inform kurishey ki, participations khan laga Trails selection (mota aru maiki bhi milai kena) Athletics tey, Tuensang District para, kuntu toh hoiley 12^th para 13^th December 2023 tey conduct kuriboley asey, Tuensang HQ tey, itu di kena thaka category khan tey, kuntu toh hoiley –

100 M Race, 200 M Race, 400 M Race, 800 M Race, 1500 M Race, 5000 M Race, 10,000 M Race, 4×100 M Race, 4×400 M Race, 4×400 Mixed Race, Long jump, High jump, Triple jump, Shot put, Discus Throw aru Javelin throw.

Terms aru condition toh hoiley: Ekta manu toh hoiley maximum teenta category tey participate kuriboley parey. Registration nimitey, yatey email kuribi dctuensang@gmail.com  nahoiley, 9862569975 tey WhatsApp kuribi. Judi kiba query lagi asey koiley, 8837348809 / 9862569875 tey contact kuriboley koishey.