TUENSANG,NOVEMBER 20,2019: Tuensang district DB’s Customary Court khan para 19th November 2019 te Log Drum halidishe .Etu event laga theme toh Reviving the Glory of Drum ase.Etu log drum toh Waoshu village para dishe aro etu tana ceremony toh DC Bungalaw para Customary court Tuensang tak luijaishe .Etu log drum guest toh DC Tuensang, Mohammed Ali Shihab thakishe aoro etu logdrum laga naam toh Anong ase .Etu tana event te Waoshu Village laga bosti manu town laga dangor manu DBs aro district laga officers khan ahishe.
Etu installation programme toh Customary Court Hall Tuensang te loishe.Etu programme toh Kevithito Rose, EAC Tuensang. Yangchu Chang PA to DC Tuensang para loishe aro Convenor Planning committee para opening remark dishe.
Shihab para etu occasion te kotha kura time te citizens khan milikena kaam kura nimete khushi janaishe aro Waosgy village ke bi khushi janaishe tai khan para log drum diya nimete district ke. DC koishe ”Etu toh district nimete ekta asset ase aro etu bithor te district khan shaanti para buibole paribo .Etu toh khali khuri laga drum hi nohoikena etu ekta unity laga emblaem ase.Etu para legacy culture aro tradition dikhai ase ami khan laga forefathers khan para kura society ke uthabole nimete.Etu toh culture laga integral part ase aro etu para wealth aro riches khan dikhaishe bosti laga.Etia laga kotha kurile toh etu para identity laga symbol ase aro ami khan khushi thakibole lageh enika asset thaka nimete .”
Rajashikaran, DIG para citizens khan ke bi greet kurishe etu log drum bithor te shaanti kurikena.T. Oungbou, DB aro friends khan para folk song kurishe . S. Namang, Hd. GB Waoshu village and Heno, Rtd PA to DC para short speech dishe aro M. Chingmak, Spl.Grd DB Tuensang para vote of thanks dikena khotom kurishe.
Add Comment