Tuensang, 06 August: Nagaland Baptist Churches Council’s Clean Election Movement toh Tuensang te Chang Baptist Lashong Thangyen para suru korise. Etu toh 6th of August 2021 te theme “MY VOTE: MY FUTURE” logote CBLT Conference Hall, Tuensang jaga te suru korise.
Suru kora programme te Deputy Commissioner & DEO, Kumar Ramnikant; President CKS, Nungsanglemba; DAEO Tuensang, Renben Mozhui; ES CBLT, Rev. Achu Chang; President TTBPU, representatives of GBs & pastors aro students of Baptist Thangyen Higher Secondary School, Tuensang thakise.
Occasion te Kumar Ramnikant para clean electoral roll toh clean election processes laga base ase koise. Judi ami khan laga vote te manipulate korise koise ami khan toh nejor laga rights te manipulate kori ase aro ami khan laga identity bekhai ase koise aro pura process toh etu para suru hoi koise. Tai para democratic set up te, leaders ke toh manu para juni aro tati proxy nahoile bogus voters nathakibo laki aro e-roll toh sabha hobo laki koise. Ramnikant para clean electoral roll kamiyab nemite sob laga support mangkishe. Tai para be sob ke clean election laga message jai thakibole koise kelay koile besi jaga tak ponjibole nemite.
Add Comment