February 07, 2024 : Itu Tuensang laga District Planning aru Development Board meeting loishey, tai khan laga Muhina laga meeting toh, 7th February, 2024 tey, Deputy Commissioner laga Conference Hall tey para, itu Tuensang laga Deputy Commissioner aru Vice Chairman – Lithrongla Tongpi Rutsa laga under tey. Itu Chairman para thanks janaishey aru appreciate kurishey, itu sob Department khan ke, tai khan laga active participation nimitey, Republic Day Celebrate kuria homoi tey. Jawa muhina laga meeting laga olop kotha khan review kuria pichetey, itu house para discuss kurishey aru approve kurishey, District Disability Rehabilitation Centre (DDRC) set up kuriboley nimitey, Tuensang laga District Hospital tey. Tuensang laga District Hospital laga MO – Dr. Senilo Magh para highlight kurishey ki DDRC toh hoiley Ministry of Social Justice aru Empowerment Government of India under tey initiative asey aru itu toh hoiley ekta centre asey, Comprehensive service khan facilitate kuriboley karney, manu khan kun toh Disability asey tai khan ke, itu district tey aru tai khan laga Second centre toh hoiley Nagaland tey set up kuriboley asey.
Itu meeting tey Power Point Presentation dikhaishey, District Fishery Department para. Itu next meeting tey, department activity khan laga presentation itu district laga dikhaboley asey, Department of Agriculture para.
Add Comment