Tuensang tey Nasha Mukt Abhiyaan launch kurishey

September 11, 2024: Tuensang tey Nasha Mukt Abhiyaan launch kurishey, 11^th September, 2024 tey, DC laga Conference Hall tey para, Tuensang laga. Itu programme tey kotha kuri kena, Deputy Commisioner, Tuensang, Lithrongla Tongpi Rutsa para koishey ki, itu toh hoiley ekta Awareness programme asey, Drug Free India nimitey aru itu toh hoiley bishi lagi thaka programme ekta asey, especially utu district khan tey kotey drug khan bishi khawa laga jani pai thakey kuntu para bishi para itu economic ke effect kuri asey aru itu district laga social life ke bhi effect kuri asey. Tai para itu bhi appeal kurishey Church leader aru NGO khan ke, itu manu khan ke chinibo pariboley support kuriboley koishey, detoxification aru rehabilitation nimitey, itu addict khan laga. SP Tuensang, Kanchan Kumar Kandpal, IPS para inform kurishey ki, drug khan khawa loa laga bishi hoi kena asey itu district tey aru itu drug khan chula laga manu khan ke ekta bhal team para tackle kuriboley asey, asol toh supplier ke hey focus kuri kena aru tai para Drug Free Model Village nimitey suggest kurishey, itu district tey, kuntu para toh hoiley ekta bhal example dikhabo, manu khan ke. Dr. Imli Temsu Ozukum, CMO Tuensang para khata para samjhaishey ki, bishi bimar khan lagi jai substance abuse kuria nimitey, kuntu para toh financial loss khan hoi thakey aru District Hospital Tuensang tey toh hoiley de-addiction centre khan asey, kotey bishi patient khan ke treat kuri kena asey, itu drug chula khan olop solop komti kuri di kena.