March 24, 2025, 04:57 PM: Duniya logotey thaki kena, Tuensang district para bhi World Tuberculosis Day observe kurishey, 24th March, 2025 tey, “Yes We Can End TB: Committee, Invest, Deliver” laga theme under tey, Tuensang laga Town Hall tey para, tatey Deputy Commissioner Tuensang, Lithrongla Tongpi Rutsa special guest hisap thaki kena.
Itu occasion tey kotha kuri kena, itu Deputy Commissioner para TB Champion ke appreciate kurishey, Tuensang laga, tai laga kahani share kuriboley agey aha nimitey, kuntu toh hoiley manu laga suku khuli diya laga ekta asey, society nimitey, TB fight kuriboley nimitey. Tai para highlight kurishey ki, India toh hoiley 2025 tak tey TB eliminate kuriboley target rakhi di kena asey, kotey Tuensang District toh hoiley 251 TB detect kuri kena asey jawa ek saal para, kuntu toh hoiley ekta chinta laga kotha asey, District nimitey.
Rutsa para aru koishey ki, sob manu khan tai khan laga approach toh budli kuriboley lagibo, TB laga patient khan ke, community support di kena. Tai para public khan, NGO khan aru government employee khan ke agey ahiboley koishey, poisa khan contribute kuriboley, itu TB Patient khan laga nutrition nimitey, TB Patient laga, itu district tey.
Add Comment