NEW DELHI, NOVEMBER 25 : Vice President M Venkaiah Naidu pora Dera Baba Nanak-Kartarpur Sahib Road Corridor toh International Border kobi Pakistan desh logot melekena thaka dak nemite banabole kura laga Foundation Stone lakaidebole ase. Etubi Tuesday din kobi November 26 te. Aro etu Pakistan desh laga International Border toh Mann Bosti, Gurdaspur jaka laga ase koise.
Etu din te Union Transport Minister Nitin Gadkari, Union Minister of Food Processing Harsimrat Kaur Badal, Punjab Chief Minister Amarinder Singh kan bi ahe kena thakibole ase koise.
Etu Corridor banabole kotha mela kura toh India aro Pakistan desh 2 jun November 22, 2018 te kotha kurikena mana laga ase. Etubi aha sal Guru Nanak Dev laga 550th Birth Anniversary laga naam pora yaat kurikena. Aro etu Corridor toh India desh aro Pakistan desh 2 jun laga Border jaka te ase koise. Aro etu kotha manabole kura pora kahani te tai 2 jun desh nemite ekta bhal kuridiya laga hobo koise.
Etu Corridor Project toh National Highways Authority of India pora ahkete luijaide kena banabole laga ase. Aro etu banabole nemite poisa toh Government of India pora debole ase koise.
Add Comment