Tui minute deh 379 Japan plane passenger keh evacuate kuri dis shae

January 3, 2024: Tokyo laka Haneda airport deh ekta Coast Guard aircraft para ekta japand Airlines passenger plane keh lakai di shae. Plane deh sob 379 passengers kan aro crew kan taka tho pura safe para evacuate kuri di shae. Hoile b landing kura time deh Japan Coast Guard Dash 8 plane keh lakai di kina pastah crew member keh murai di shae. Experts kan para etu successful evacuation tho Japan Airlines laka bhal safety culture karne pari jai shae kui shae.

Graham Braithwaite, UK laka Cranfield University laka safety and accident investigation professor para etu kui shae,” Mui video deh dika isap deh tho, sob manu baji bo pari shae kui nah mui surprise taki shae aro mun b shanti hui jai shae. Enaka jhor para lika jah tho airplane kan karne bishi dicta rase. Hoile b mui tho utu airline keh bhal para janeg. Taikan safety aro crew training deh kiman duk deh, etu jani nah enaka kuri bole pari shae kwa tho shock deh taki bo nalageh.”