Tuita alak wall collapse incident deh14 jun muri jai shae

August 4, 2024: Madhya Pradesh deh hua tuita alak alak wall collapse incident deh 14 jun muri jai shae. Tateh para 13 jun tho bacha kan ase aro ekta tho maike ase. Etu tho state deh pani bishi gira piche deh hui shae, officials para Sunday din deh kui shae. Ekta ghor laka wall manu kan laka upor deh giri jah tho noth bacha kan keh murai di shae aro charjun jokom kai shae. Etu incident tho Sagar district deh taka temple osor deh hui shae, Sunday morning din deh. Officials para incident tho ekta religious program time deh hui she kui shae, Shahpur bosti deh. Bacha kan tho 10 aro 14 sal majo deh taki shae.”Accident tho Shahpur deh hui shae, Sunday din deh, Debris keh saba kuri bo karne rescue operation phat shuru kuri di shae. Notha nishi nah bacha kan muri nah pai shae aro alak charjun keh jokom kai nah pai shae,” Additional superintendent of police Sanjeev Uike para kui shae. Alak incident deh, ekta ghor laka wall manu kan laka upor deh giri jah tho chartha school students aro ekta maike keh murai di shae. Etu incident tho Madhya Pradesh laka Rewa jaka deh hui shae, Saturday din deh, police para kui shae.