February 25, 2024: Saturday din deh Cyprus laka ekta court para choi din karne tuita mota keh police laka custody deh raki bole order kuri shae manu kan keh smuggle kura laka suspicion deh. Utu mota kan tho tuita boat laka drivers ase kui nan identify kuri shae kun kan east Mediterranean island deh 146 refugees aro ekta Lebanese migrant ani shae.
Police para suspects kan tho Lebanese nationals kana se kui shae kun kan laka age 19 aro 21 ase. Police laka isap deh questioning kura time deh refuges kan para taikan tho Lebanese city Tripoli para depart kuri shae kui shae Thursday din, Feb 22 deh. Aro taikan sob $2,500 terai shae kui shae boat deh buhi bole.
Ekta boat para 30 manu keh buki shae, tateh choi tho maike kan taki shae aro 11 tho minors kan taki shae. Second boat deh tho 117 manu kan taki shae, tateh atha tho maike kan taki shae aro 17 tho minors kan taki shae. Police kan Saturday din deh tuita vessel keh b diki shae Cape Greci deh.
Sob migrants kan keh shore deh ani di shae aro piche deh ekta migrant reception center deh lui jai shae.
Add Comment