Hyderabad, December 13, 2025: Film Nagar police para tuition teacher ekta ke criminal case te register kureshe. Tuition teacher toh chamus gorom kure kena bacha ke jolai thakeshe koishe. OU colony te.
Police khan para koishe etu toh Thursday te hoishe. Aro case ekta book hoishe Srimanasa laga opor teh. Utu bacha toh ekta watchmen laga bacha ase koishe. Aro utu tuition teacher toh tai khan laga osor te buhei koishe.
Police khan para koishe ki bacha toh thik para napurei karne bacha ke bei saza dei thakeshe. Srimanasa ke dure kena hodai kurei piche te tai ke chare deshe koishe. Police khan Juvenile Justice Act laga hesab para case toh banaishe. Tuition teacger toh loha gorom kurene bacha laga shakal, hath aro thang khan jolai thakei koishe.
Thursday, 9:30 pm te bacha para tai laga ama aro baba ke dekhai she johom khan. Aro etu piche te tai laga ama aro baba police khan ke complaint kureshe. Thursday te bacha laga baba toh tuition teacher ke call kureshe bacha wapas nahei karne tuition para. Tuition teacher para tai laga baba ke ahei kena tai laga bacha ke lowe koishe. Aro tai laga baba ja toh tai bacha johom pai kena dekhe she koishe police khan para.
Add Comment